Israel Technology: గాలి నుంచి తాగునీటి తయారీ.. ప్రపంచాన్ని మరిపించిన ఇజ్రాయెల్ టెక్నాలజీ - TV9 Telugu

Sanjay Kasula |
Updated on: Oct 11, 2023 | 10:07 AM
పాలస్తీనా ప్రేరేపిత ఉగ్రవాద సంస్థ హమాస్‌తో యుద్ధం చేస్తోంది ఇజ్రాయెల్. పాలస్తీనా  ఉగ్రవాద సంస్థ అయినా లేదా యూదు రాజ్యమైనా.. ఏ ఒక్కటీ వెనక్కి తగ్గడానికి సిద్ధంగా లేవు. ఇజ్రాయెల్, పాలస్తీనా గురించి చర్చ జరుగుతున్నప్పుడు.. ఐరన్ డోమ్ ఖచ్చితంగా ప్రస్తావించబడుతుంది. ఇజ్రాయెల్ భద్రతకు ఐరన్ డోమ్ చాలా ముఖ్యమైనదిగా చెప్పవచ్చు. ఇది ఇజ్రాయెల్  వైమానిక రక్షణ వ్యవస్థ.. ఇది శత్రువుల క్షిపణులను ఆకాశంలోనే కాల్చివేస్తుంది. ఈ దేశం సైనిక ఆధారిత సాంకేతికతకు మాత్రమే కాకుండా ఇతర సాంకేతికతలకు కూడా ప్రసిద్ధి చెందింది. ప్రపంచం ఎప్పటికీ మరచిపోలేని 5 ఇజ్రాయెల్ సాంకేతికతలను ఈ రోజు మేము మీ కోసం తీసుకువచ్చాము.
ఇజ్రాయెల్ జనాభా దాదాపు 97 లక్షలు. విస్తీర్ణం పరంగా కూడా ఈ దేశం చాలా చిన్నది. అయితే తన కఠోర శ్రమతో ప్రపంచంలో తనకంటూ ఓ ప్రత్యేక స్థానాన్ని సంపాదించుకుంది. నేడు ఇది ప్రపంచంలోని సురక్షితమైన దేశాలలో ఒకటిగా పేరు తెచ్చుకుంది. అయితే, హమాస్ దాడి తర్వాత ఇజ్రాయెల్‌కు ఇది కష్టకాలంగా చెప్పవచ్చు. ఈ సమయంలో ఇజ్రాయెల్ ప్రపంచ దేశాలకు తమ టెక్నాలజీని పంచింది. అందిరికి తాము ఆవిష్కరించిన టెక్నాలజీని ఇచ్చింది.  ఇజ్రాయెల్ ప్రపంచ దేశాలకు వచ్చిన  5 ఆసక్తికరమైన సాంకేతికతల గురించి ఇక్కడ చూద్దాం.
చాలా దేశాలకు స్వచ్ఛమైన తాగునీరు పెద్ద సమస్య. ముఖ్యంగా ఆఫ్రికన్ దేశాల్లో ప్రజలు స్వచ్ఛమైన నీటి కోసం చాలా ఇబ్బందులు పడుతున్నారు. ఈ సమస్యను పరిష్కరించడంలో ఇజ్రాయిల్‌కు చెందిన వాటర్‌జెన్ కంపెనీ సహాయం చేసింది. Aryeh Kohavi ఈ కంపెనీ వ్యవస్థాపకుడు, అతను స్వచ్ఛమైన నీటిని తయారు చేయడానికి ఒక యంత్రాన్ని కనుగొన్నాడు.
ఆశ్చర్యకరమైన విషయం ఏంటంటే.. వాటర్‌జెన్ యంత్రం గాలి నుండి నీటిని తయారు చేస్తుంది. వాటర్‌జెన్ జనరేటర్లు నీటిలో ఉండే తేమను చల్లబరుస్తాయి. ఈ యంత్రం ఒక యూనిట్ విద్యుత్‌తో నాలుగు లీటర్ల స్వచ్ఛమైన తాగునీటిని సిద్ధం చేయగలదు.
ఇజ్రాయెల్ ఒక మధ్య-ప్రాచ్య దేశం, కాబట్టి ఇది ఎడారి ప్రాంతం కూడా.. నీటి కొరత తీవ్రంగా ఉన్నందున అటువంటి ప్రాంతంలో వ్యవసాయం చేయడం చాలా కష్టమైన పని. అలా అని వ్యవసాయాన్ని ఇజ్రాయెల్ వదులుకోలేదు. ఈ సమస్యకు పరిష్కారాన్ని కనుగొంది. 1965లో ఈ దేశం మైక్రో ఇరిగేషన్ సిస్టమ్ నెటాఫిమ్‌ను ప్రపంచానికి అందించింది.
సాగు కోసం నీటి చుక్కల వ్యవస్థను ప్రారంభించారు. పైపులకు రంధ్రాలు చేసి పంటకు చుక్కల నీటిని అందించారు. దీని వల్ల తక్కువ నీటితో కూడా మంచి వ్యవసాయం చేయవచ్చన్నారు. 1967లో Netafim అంటే నీటి చుక్క అని అర్థం. నేడు భారతదేశంతో సహా అనేక దేశాలు ఈ ఇజ్రాయెల్ సాంకేతికతను ఉపయోగిస్తున్నాయి.
ఇజ్రాయెల్‌కు చెందిన శాస్త్రవేత్త గావ్రియల్‌కు కడుపులో కొంత సమస్య ఉండింది. తన అనుభవంతో స్ఫూర్తి పొంది.. మింగడానికి కెమెరాను రూపొందించాడు. ఇప్పుడు పిల్‌క్యామ్ అంటువ్యాధులు.. పేగు సమస్యలు, జీర్ణవ్యవస్థలో సమస్యలు మొదలైన వాటి కోసం ప్రపంచవ్యాప్తంగా ఉపయోగించబడుతుంది. ఈ కెమెరా శరీరం లోపల ఉన్న పూర్తి వివరాలను బయటికి  అందిస్తుంది.
SniffPhone అనేది వ్యాధులను గుర్తించే రోగనిర్ధారణ సాధనం. ఇది యూరోపియన్ కమిషన్ నుంచి 2018 ఇన్నోవేషన్ అవార్డును కూడా అందుకుంది. ఇది రోగి వాసన నుంచి అతను ఏ వ్యాధితో బాధపడుతున్నాడో కనుగొంటుంది. ఇది చాలా సులభమైన సాంకేతికత.. దీనిని స్మార్ట్‌ఫోన్‌తో కనెక్ట్ చేయడం ద్వారా కూడా ఉపయోగించవచ్చు.
ప్రస్తుతం సైబర్ మోసాలు ఎక్కువగా జరుగుతున్నాయి. మాల్వేర్ నుంచి కంప్యూటర్ సిస్టమ్‌లను రక్షించడానికి ఉపయోగించే ఫైర్‌వాల్ కూడా ఇజ్రాయెల్ సహకారంతో తయారు చేసిందే.. ఇజ్రాయెల్ ఆధారిత చెక్ పాయింట్ సాఫ్ట్‌వేర్ టెక్నాలజీ మొదటిసారిగా 1993లో వాణిజ్య ఉపయోగం కోసం ఫైర్‌వాల్‌ను అభివృద్ధి చేసింది. నేడు మాల్వేర్ దాడుల నుంచి తమను తాము రక్షించుకోవడానికి ప్రపంచవ్యాప్తంగా ప్రజలు ఫైర్‌వాల్‌లపై ఆధారపడుతున్నారు.
మరిన్ని టెక్నాలజీ వార్తల కోసం

source