Jio: జియో యూజర్లకు స్పెషల్ ఆఫర్.. రూ. 75 రీచార్జ్‌తో అన్‌లిమిటెడ్‌ కాల్స్‌తో పాటు మరెన్నో బెనిఫిట్స్‌. - TV9 Telugu

Narender Vaitla |
Updated on: Feb 23, 2023 | 8:10 AM
టెలికాం రంగంలో సరికొత్త ఒరవడితో దూసుకొచ్చిన రియలన్స్‌ జియో యూజర్లను ఆకట్టుకుంటూ ఎప్పటికప్పుడు సరికొత్త ప్లాన్స్‌తో వస్తోంది. ప్రత్యర్థి కంపెనీల మధ్య పోటీ నెలకొన్న నేపథ్యంలో యూజర్లను చేజారి పోకుండా ఈ చర్యలు తీసుకుంటోంది. ఇందులో భాగంగానే తక్కువ మొత్తంలో ప్లాన్స్‌ను పరిచయం చేస్తోంది. ఈ క్రమంలోనేగా తాజాగా రూ.75 ప్లాన్‌తో ప్రత్యేక రీఛార్జ్‌ ప్లాన్‌ను పరిచయం చేసింది జియో.
అయితే ఈ ప్లాన్‌ కేవలం జియో ఫోన్‌ ఉపయోగించే వారికి మాత్రమే. ఇతర ఫోన్‌లలో జియో సిమ్‌ వాడుతున్న వారికి ఈ ఆఫర్‌ వర్తించదు. ఇక ఈ ప్లాన్‌ వివరాల విషయానికొస్తే 23 రోజుల వ్యాలిడిటీతో ఈ ప్లాన్‌ను అందిస్తున్నారు. 23 రోజుల పాటు అన్‌లిమిటెడ్‌ కాల్స్‌ను పొందొచ్చు. దీంతో పాటు మొత్తం 2.5 జీబీ డేటాను అందిస్తారు. రోజుకు 100 ఎంబీ డేటా ఈ ప్లాన్‌ ద్వారా పొందొచ్చు. వీటితో పాటు మరికొన్ని బెనిఫిట్స్‌ను సైతం అందిస్తున్నారు. ఈ ప్లాన్‌తో రీఛార్జ్‌ చేసుకుంటే జియో యాప్‌లకు ఉచిత సబ్‌స్క్రిప్షన్‌ పొందొచ్చు.
డేటా, టాక్‌ టైమ్‌తో పాటు ఎస్‌ఎమ్‌ఎస్‌లను సైతం ఈ ప్లాన్‌ ద్వారా అందిస్తున్నారు. ఈ ప్లాన్‌తో రీఛార్జ్‌ చేసుకున్న వారు మొత్తం 50 SMSలను కూడా పంపించుకోవచ్చు. అంతేకాకుండా జియో సినిమా, జియో టీవీలతో పాటు మరికొన్ని యాప్స్‌ను యాక్సెస్‌ చేసుకోవచ్చు.
మరిన్ని టెక్నాలజీ వార్తల కోసం క్లిక్ చేయండి..

source